«Հակոբավանքից՝ Արցախի սրտից ասում եմ՝ որն է ստեղծված իրավիճակում ամենասարսափելին». Ռուբեն Վարդանյան

ԱՀ նախկին պետնախարար Ռուբեն Վարդանյանի ֆեյսբուքյան գրառումը. «Ուզում եմ Հակոբավանքից մի քանի խոսք ասել ստեղծված իրավիճակի շուրջ: Ամենասարսափելին այն է, որ մենք խոսում ենք ոչ թե՝ ո՞ր քաղաքական ուժն է ճիշտ կամ սխալ, այլ որ թույլ ենք տալիս կասկածի տակ դնել ամենախորքային արժեքները. «Երբ որ մենք թույլ ենք տալիս մեզ ասել, որ ունենք հազարավոր դասալիքներ, ու չենք բերում ոչ մի ապացույց, երբ որ մենք խոսում ենք, որ հայ կանայք աներջանիկ են, քննարկում ենք Ցեղասպանությունը, Նեմեսիսի արձանը, Արարատը, երբ որ մենք խոսում ենք, որ հնարավոր է մարդու երեսին թքել և դա նորմալ է համարվում, երբ որ մենք խոսում ենք, որ եկեղեցու դեմ կարելի է այսպես քարոզարշավ սկսել, երբ որ կարելի է Արցախ ասել ու նշել՝ մենք ի՞նչ կապ ունենք, մատ թափ տալ Ազգային ժողովում ու ասել՝ դուք ո՞վ եք, որ մեզ բան եք ասում, եթե կարելի էր հասկանալ, որ կարող են զոհեր լինել հազարավոր, բայց չկանգնեցնել պատերազմը, և դա դառնում է ստանդարտ. դա ամենամեծ վտանգն է, որ մեզ սպառնում է, որովհետև մենք դավաճանում ենք, ոչ թե ինչ-որ գաղափար, ալ դավաճանում ենք մեր հայրենիքը, ամենախորքային մեր ուժին՝ ով է հայը»: