«Փաշինյանի կողմնակիցները միջնամատ էին ցույց տալիս Արմեն Դանիելյանին»․ Արեգնազ Մանուկյան

«Տարիներ առաջ Նիկոլ Փաշինյանի թիմակիցները փողոցում ամոթանք և միջնամատ էին ցույց տալիս Արմեն Դանիելյանին: Իսկ այսօր, միջնամատի արժանացած Արմեն Դանիելյանը դարձել է նրանց սրտի դատավորը: Այս իշխանության համար Արմեն Դանիելյանը մի օր կամակատար է, մեկ այլ օր՝ արդարադատության ռահվիրա»,- ԱԺ-ում մտքերի փոխանակման ժամանակ, իր խոսքում, ասաց ԱԺ «Հայաստան» խմբակցության պատգամավոր Արեգնազ Մանուկյանը՝ անդրադառնալով Վճռաբեկ դատարանի դատավորի թեկնածու Արմեն Դանիելյանի կենսագրությանը:

«Փաշինյանին դակող ու պատժող դատավորներ են պետք: Արմեն Դանիելյանը թավշյայի խորհրդանիշն է, նա խորհդանիշ է երեսպաշտության, ստի, կեղծիքի: Ուրիշ թեկնածու ՔՊ-ն չէր էլ կարող ներկայացնել»,- ասաց Մանուկյանը: