«Այդտեղ շահառուն Ոսկեպարն է»․ Փաշինյան

«Ասուլիսի ժամանակ անդրադարձ եղավ տարածքային ամբողջականության սկզբունքին, նաև անկլավների խնդրին, դրանից հետո որոշ քաղաքական շրջանակներ տարբեր շահարկումներ են անում այս հարցի շուրջ, թե գյուղերի ճակատագիրը որոշված է և այլն, կխնդրեի պարզաբանեիք»,- դիմելով վարչապետ Փաշինյանին, ասաց ՔՊ-ական Ծովինար Վարդանյանը:

Պատասխանելով հարցին Փաշինյանն ասաց. «Դժբախտաբար, թե բարեբախտաբար ոչ մի բան էլ որոշված չի, այդ հարցի շուրջ վերջնական համաձայնեցում չկա: Եթե կլինի հստակ պայմանավորվածություն Ադրբեջանի հետ, կգամ կասեմ՝ կա պայմանավորվածություն»:

Անդրադառնալով Ոսկեպար համայնքի խնդրին, ասաց. «Ես հիշում եմ, էդ թեմայով զրուցել եմ ոսկեպարցիների հետ, ասել եմ, որ այդ հարցի հետ կապված՝ կոնկրետություն չկա: Իրենց ասել եմ, որ էն խոստումը, որը ձեզ տվել եմ, չեմ մոռացել, որովհետև, այսպես ասած՝ Ոսկեպարը ամենաշահառու համայանքներից մեկն է. նա երկու կողմից է շահառու. և՛ ճանապարհի մասով, և՛ անկալվներից մեկը գտնվում է, ըստ էության իր հարևանությամբ»,- ասաց Փաշինյանը: