«Եթե կաթի գինն իջել է, բա ինչի՞ է կաթնամթերքի գինը մնացել նույնը». Ասատրյանը՝ Քերոբյանին

Ազգային ժողովում ՔՊ-ական պատգամավոր Մաթևոս Ասատրյանը հարց հղեց էկոնոմիկայի նախարար Վահան Քերոբյանին. «Մեր խոշոր ֆերմերները դժգոհում են, որ կաթի գինն ինքնարժեքից ցածր է նստում: Ինչու չեք ասում, որ պատճառը կաթի փոշու ներմուծումն է: Բա եթե կաթի գինն իջել է, ինչու է կաթնամթերքի գինը մնում նույնը»: «Կաթի միջին ինքնարժեքը 90 դրամ է: Խնդիր չենք տեսնում անհրաժեշտության դեպքում կիրառել քվոտավորում կաթի փոշու ներմուծման վերաբերյալ և սահմանափակել: Պլանավորում ենք 1,5 տարում այնպիսի բարեփոխումներ իրականացնել, որ փոխվի սննդի անվտանգության հետ կապված իրավիճակը»,- պատասխանեց Քերոբյանը: