«Ինչո՞ւ մարդիկ չեն կարողանում օգտվել պետպատվերից». Տրդատ Սարգսյանը՝ Անահիտ Ավանեսյանին

651

Չորեքշաբթի, 24 մայիսի, 2023 թ., 20:24

«Ինչո՞ւ մարդիկ չեն կարողանում օգտվել պետպատվերից», Ազգային ժողովում Տրդատ Սարգսյանը հարց հղեց Անահիտ Ավանեսյանին:

«Վերջին ամսին իրականացրել ենք հերթագրման համակարգի ավտոմատացված ընդհանրական ներդրում, ինչը հանգեցրել է, որ այլևս բժշկական կենտրոնները չեն կարող հերթագրումից դուրս հերթագրման կանոնները խախտելով պացիենտների սպասարկել: Սա վերաբերվում է պլանային հետազոտություններին և բժշկական օգնությանը: Սա շատ կարևոր սկզբունքային նորամուծություն է, որը պետք է օգնի, որ մենք ունենանք կարգավորված հստակ թափանցիկ դաշտ բոլոր թե´ պացիենտների, թե´ բուժկենտրոնների համար: Հասկանում ենք, որ ցանկացած նորամուծությունից հետո առաջին 1-2 շաբաթվա ընթացքում որոշակի անհարմարություններ լինում են, բայց կարծում ենք, որ աշխատանքային կարգով դրանք կվերացնենք և պիտի պահպանենք այս սկզունքը:

Մյուսը՝ առաջիկայում Առողջապահության նախարարությունն այն ծրագրերի շրջանակներում, որոնք որ գործում են օֆերտայի սկզբունքով, օրինակ զինծառայողների, անհետաձգելի բուժօգնության, որոշակի կանխատեսումներ իրականացրել է և վերաբաշխման նախագիծը գտնվում է կառավարության քննարկման փուլում: Առաջիկայում նաև այդ տեսանկյունից կունենանք հավելումներ: Եվս մեկ անգամ կրկնում եմ, որ մեզ համար շատ կարևոր է, որ այս հերթագրման նոր համակարգը գործի և թափանցիկ և արդար կերպով այսուհետ շարունակենք աշխատել»,- պատասխանեց նախարարը: