Ուրբաթ, 29 մարտի, 2024 թ.
|
Ստեփանակերտում`   +5 °C

«ՀՀ-ում ու Արցախում պետք է ձևավորվի հեռացնելու գործընթաց». Աղվան Վարդանյան

«ՀՀ-ում ու Արցախում պետք է ձևավորվի հեռացնելու գործընթաց». Աղվան Վարդանյան
1035
Ուրբաթ, 26 մայիսի, 2023 թ., 15:24

«Որքան այս իշխանությունը կառչած մնա աթոռից, այնքան զիջումները շատ ավելի առարկայական կդառնան. սա է ողբերգությունը»,- լրագրողների հետ հանդիպման ժամանակ ասաց ընդդիմադիր խմբակցության պատգամավոր Աղվան Վարդանյանը՝ հավելելով, որ մեր խնդիրները չեն լուծվում ո՛չ Մոսկվայում, ո՛չ Վաշինգթոնում, ո՛չ Եվրոպայում, մեր խնդիրները լուծվում են ՀՀ-ում: Լրագրողներից մեկը հարցրեց՝ ի՞նչ են պատրաստվում անել, որ Փաշինյանը հեռանա. «Մենք դեռ չենք կարողացել հեռացնել, որովհետև իշխանությունն իրենց համար ամեն ինչ է: Մեղավոր ենք, սխալ ենք, չենք կարողացել, փորձելու ենք էլի ու սա լինելու է ոչ միայն ՀՀ-ում, այլև Արցախում: Այս երկու կենտրոններում պետք է ձևավորվի հեռացնելու նոր գործընթաց»: Պատգամավորը նշեց, որ առաջիկայում այդ մասին ավելի հանգամանալից կխոսի: