«Ռուսաստանի, Ադրբեջանի և Հայաստանի աշխատանքային խմբի նոր հանդիպումը տեղի կունենա առաջիկայում»․ Օվերչուկ

«Ռուսաստանի, Ադրբեջանի և Հայաստանի եռակողմ աշխատանքային խմբի նոր հանդիպումը կկայանա մոտ ապագայում»,-լրագրողներին ասել է ՌԴ փոխվարչապետ Ալեքսեյ Օվերչուկը, փոխանցում է ՏԱՍՍ-ը։

Նրա խոսքով, այսօր պայմանավորվածություն է ձեռք բերվել, որ այս աշխատանքային խմբի հանդիպումը «կկայանա շատ մոտ ապագայում»։

Ավելի վաղ Օվերչուկը հայտարարել էր, որ մտադիր է մեկ շաբաթից Հայաստանի և Ադրբեջանի փոխվարչապետների հետ քննարկել տեխնիկական, «բայց շատ կարևոր» մանրամասները։

Նրա խոսքով, խոսքը գնում է Ադրբեջանի և Հայաստանի միջև սահմանը հատելու ընթացակարգի մասին։