Շաբաթ, 13 հուլիսի, 2024 թ.
|
Ստեփանակերտում`   +27 °C

«ԱՀ քաղաքացիները տարբեր երկրներից ստանում են հեռախոսազանգեր». ԱԱԾ-ն զգուշացնում է

«ԱՀ քաղաքացիները տարբեր երկրներից ստանում են հեռախոսազանգեր». ԱԱԾ-ն զգուշացնում է
387
Հինգշաբթի, 01 հունիսի, 2023 թ., 21:36

Արցախի ԱԱԾ-ն հաղորդագրություն է տարածել․ «Արցախի Հանրապետության ազգային անվտանգության ծառայությունը, հետամուտ լինելով օրենսդրությամբ իրեն վերապահված գործառույթների և լիազորությունների իրականացմանը, իրազեկում է, որ վերջին շրջանում ԱՀ քաղաքացիները տարբեր երկրներից ստանում են հեռախոսազանգեր, որոնց միջոցով զանգահարողները ցանկանում են երկրում տիրող իրավիճակի, անվտանգային հարցերի, շրջափակման հետևանքների ու հումանիտար վիճակի, քաղաքական իրավիճակի, ինչպես նաև անձնական բնույթի տեղեկությունների վերաբերյալ տեղեկատվություն ստանալ։

Խնդրում և հորդորում ենք զերծ մնալ Արցախի Հանրապետության ներքին ու արտաքին անվտանգությանն առնչվող հարցերի շուրջ հրապարակային քննարկումներից, տեղեկատվություն տրամադրելուց և տեղեկատվության հավաքագրում հետապնդող հարցեր կամ զանգեր ստանալու դեպքում դիմել ԱՀ ազգային անվտանգության ծառայությանը կամ զանգահարել թեժ գծի հեռախոսահամարներին՝ 047-94-41-26 և 41-26»: