«Գյուղացիները հայտնվել են անելանելի իրավիճակում». պատգամավոր

1938

Երեքշաբթի, 06 հունիսի, 2023 թ., 14:30

ԱԺ «Հայաստան» խմբակցության պատգամավոր Գառնիկ Դանիելյանը ֆեյսբուքյան իր էջում գրում է. «Հունիսի 4-ի ուշ երեկոյան կարկուտ է տեղացել Արմավիրի մարզում:
Մեծ վնասներ են կրել Մեծամոր խոշորացված համայնքի Եղեգնուտ, Զարթոնք, Արգավանդ, Արտաշար գյուղերի ցանքատարածություններն ու այգիները:
Գյուղացիները փակել էին Արմավիր-Զարթոնք ավտոճանապարհը՝ պահանջելով պատկան մարմիններից վնասների ուսումնասիրություն և փոխհատուցում:
Ինձ ահազանգած քաղաքացիները հայտնեցին, որ այդ տարածքներում աճեցնում էին կարտոֆիլ, լոլիկ, վարունգ, սմբուկ, սեխ և այլ բանջարաբոստանային կուլտուրաներ։
Եվ հիմա, լրջագույն վնասներ կրելով՝ հայտնվել են անելանելի իրավիճակում։
Ինչ վերաբերում է հակակարկտային կայանքներին, պարզվում է՝ դրանք գործածվել են կարկուտից հետո։
Կոչ եմ անում պատկան մարմիններին հնարավորինս սեղմ ժամկետներում ուսումնասիրել, չափել վնասները և կատարել փոխհատուցում»:

Աղբյուրը` Գառնիկ Դանիելյան