«Ստեղծվում է պրոպագանդա, թե այլընտրանք չկա, մնում է կապիտուլացվել». Հայկ Փայտյան

«Այն, ինչ տեղի է ունենում Երասխում, ինչ տեղի է ունեցել Սյունիքի հետ շփման գոտում, շարունակվելու է. սա տեղավորվում է հայության դեմ հիբրիդային պատերազմի մեջ»,- «Հայելի» ակումբում ասուլիսի ժամանակ նշել է պատմաբան, վերլուծաբան Հայկ Փայտյանը: Նրա խոսքով՝ նպատակն է՝ կոտրել հայության ոգին, մղել վերջնական կապիտուլյացիոն ակտի. «Ամեն հնարավոր ձևով, այդ թվում ներսի ուղղակի և անուղղակի գործակալական ցանցի միջոցով, ստեղծվում է տպավորություն, պրոպագանդա, որ այլընտրանք չկա, մնում է կապիտուլացվել. սա է արվում ու սա լինելու է այնքան ժամանակ, քանի՝ կա՛մ հայությունն, ի վերջո, կապիտուլացվելու է, կա՛մ ոտքի է կանգնելու ու սկսելու է ազգային ազատագրական պայքար՝ օտարների և օտարների շահերը ՀՀ-ում սպասարկող իշխանական համակարգի դեմ»,- հավելել է բանախոսը: