«Պետական մտածելակերպ չունեցողները հյուծում են երկիրն ու մեզ». Հայկ Խանումյան

Արցախի տարածքային և ենթակառուցվածքների նախկին նախարար Հայկ Խանումյանի գրառումը. «Մեր կառավարիչները կարծես իրականությունից կտրված են։ Նրանց թվում է, թե պատասխանատվություն կոչվածը ընդամենը խոսքեր են, ֆեյսբուքի ստատուս կամ «ուչաստկովու» մակարդակի գործողություններ։ Ամեն ֆորս-մաժորին առաջին անհրաժեշտության ապրանքների դեֆիցիտը ցույց է տալիս, որ գործ ունենք ուղղակի հանցավոր անգործության հետ։ Ինչպե՞ս կարելի է մի քանի ամիս շարունակ ՀՀ-ից Արցախ ապրանքների տեղափոխման նորմալ լոգիստիկա չստեղծել, հանդուրժել անթույլատրելի գնաճ, և հիմա էլ դուրս գալ եթեր՝ թե ժողովուրդ դիմացեք, ծանր օրեր են։ Պետական մտածելակերպ չունեցող, կառավարումից անտեղյակ այս պատուհասներն ուղղակի մաշեցնում, հյուծում են երկիրն ու մեզ»: