«Մի հատ հիշեցրեք, թե ով է հանձնել Ղարաբաղը». Նարինե Մկրտչյան

Մամուլի ազգային ակումբի նախագահ Նարինե Մկրտչյանի գրառումը․ «Ես մի բան չեմ հասկանում․ ԱԺ քննիչ հանձնաժողովը ղարաբաղյան հիմնախնդրի կարգավորման պատմությո՞ւնն է ուսումնասիրում, թե՞ 2020թ․ 44-օրյա պատերազմի հայտնի ու անհայտ հանգամանքները։ Քննիչ հանձնաժողովն ավելի հստակ պետք է ձևակերպեր իր անվանումը․ ոչ թե պատերազմի հանգամանքների, այլ պատերազմում հայկական կողմի պարտության պատճառները։
Մա՞րդ էլ ազատագրված Ղարաբաղը հանձնի թշնամուն, Հայաստանի տարածքային ամբողջականության խախտման անհաղորդ ականատեսը լինի, լինի պետության փաստացի ղեկավար այդ ժամանակահատվածում և հիմա, և գա իր՝ նոր սերտած դասերն արտաբերի, թե նախկիններն ինչպես են հանձնել Ղարաբաղը։
Մի հատ հիշեցրեք, թե ով է հանձնել Ղարաբաղը։ Նախկինները եթե խոսել են հանձնելուց կամ բանակցել են, ապա իրական և փաստացի հանձնողի անուն-ազգանունը մեկն է՝ Նիկոլ Փաշինյան։ Նա, որ եկել էր «զրոյական կետից» լուծելու Ղարաբաղի հարցը, ինչը և արեց․ զրոյացրեց հայկական կողմի բոլոր հաղթանակները»: