ԱՄՆ-ը որոշել է հետաձգել «Վագներ»-ի դեմ նոր պատժամիջոցները

ԱՄՆ-ը մտադիր է հետաձգել «Վագներ» մասնավոր ռազմական ընկերության դեմ նոր պատժամիջոցների սահմանումը, այս մասին հայտնում է The Wall Street Journal-ը։ Նշվում է, որ Պետդեպը մտադիր էր պատժամիջոցների հերթական փաթեթը սահմանել՝ կապված հունիսի 27-ին Աֆրիկայում «Վագներ»-ի գործողությունների հետ։ Սակայն որոշել է հետաձգել՝ Ռուսաստանում ստեղծված իրավիճակի ֆոնին։

«Վաշինգթոնը չի ցանկանում, որպեսզի տպավորություն ստեղծվի, թե այս հարցում որևէ մեկի կողմն է բռնում»,- ասել է WSJ-ի աղբյուրը: