«Ընդդիմությանն ասացի՝ Հայրապետովը ներկա է եղել, իրեն հրավիրեք». Փաշինյան

«Երբ 2019-ին Դուշանբեում Ադրբեջանի նախագահի հետ խոսելով վերելակով բարձրացանք, սկսեցին խոսել՝ վերելակային դիվանագիտություն, դավադրություն և այլն: Էդ էլ լրիվ պատահական ստացվեց: Էդ ժամանակ 3-րդ մարդը մեզ հետ ներկա Գրիգորի Հայրապետովն էր, 4-րդ մարդու համար վերելակում տեղ չկար ու տենց բարձրացանք: Երբ ընդդիմությունը փորձում էր պատմել, որ դավադիր խոսակցություն է տեղի ունեցել, այդ ժամանակ արդեն աշխատանքից ազատել էի Հայրապետովին: Նրանց ասացի՝ խոսակցությանը Հայրապետովը ներկա է եղել, իրեն հրավիրեք»,- ԱԺ քննիչ հանձնաժողովի նիստի ժամանակ ասել է Նիկոլ Փաշինյանը՝ հավելելով, որ պետական պահպանության ծառայությունը կարող է տեղյակ լինել, որ քայլելիս ինչ-որ բան են խոսում և լսել, սակայն բանակցային բովանդակությունը բոլորովին այլ է: