«ՊՆ-ից, ԳՇ-ից ասել են՝ չի համապատասխանում իրականությանը». Փաշինյան

«ԼՂ նախագահն ինձ տվել է տեղեկություն այս կամ այն հատվածում ռազմական իրադրության մասին, որը ՊՆ-ից ու ԳՇ-ից երբ ճշտել եմ, դեպքերի ճնշող մեծամասնությամբ, ԼՂ նախագահի կողմից տրված տեղեկատվության հերքում եմ ստացել, բայց, էլի դեպքերի մեծամասնությամբ, որոշ ժամանակ ԳՇ-ն ստիպված է եղել հաստատել այդ տեղեկատվությունը»,- այս մասին 44-օրյա պատերազմի հանքամանքներն ուսումնասիրող ԱԺ քննիչ հանձնաժողովի նիստի ժամանակ հայտարարեց ՀՀ վարչապետը՝ հավելելով. «Ես չեմ ասում՝ ինչ տեղեկատվություն տվել է ԳՇ-ն, ճիշտ չի եղել, ասում եմ՝ տասնյակ անգամ առնչվել եմ, որ ԼՂ նախագահն ասել է՝ իրադրությունը փոխվել է, ՊՆ-ից ասել են՝ չի համապատասխանում իրականությանը, բայց որոշ ժամանակ անց ստիպված են եղել խոստովանել, որ դա համապատասխանում է իրրականությանը»,- շարունակեց Փաշինյանը՝ հավելելով, որ զեկույցների հավաստիության հարցն ամենամեծ խնդիրն է: