«Ինձ զեկուցվել է, որ միջազգային գործընկերները պատերազմը քիչ հավանական են համարում». վարչապետ

«Ինձ մի քանի անգամ զեկուցվել է, որ մեր միջազգային գործընկերները նույնպես պատերազմը քիչ հավանական են համարում ու կոչ են անում, որ ՀՀ ԶՈՒ-ն կտրուկ գործողություններ չիրականացնի, էսպես ասած, չեղած տեղից պատերազմ չսադրելու համար: Կարծում եմ ԶՈՒ ԳՇ-ի՝ ինձ տված զեկույցը նաև էս տեղեկատվության ազդեցությամբ է ձևավորվել»,- 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստի ժամանակ ասաց ՀՀ վարչապետը՝ հավելելով, որ այդ գնահատականի հետ համաձայն չի եղել. «Իմ հրահանգը միշտ եղել է այն, որ բարձր զգոնություն է պետք ապահովվել, լինել իրավիճակին համարժեք... 2020թ. հուլիսին ՊՆ-ում հրամկազմի հետ ունեցել եմ խորհրդակցություն, հարցրել եմ՝ ունե՞նք այնպիսի ինդիկատորներ, որի ի հայտ գալու դեպքում գնահատում ենք՝ վե՛րջ, հարձակում է տեղի ունենում, ասել են՝ այո՛: Իմ հրահանգը եղել է սա՝ եթե ինդիկատորներն ի հայտ գան, բանակը պետք է սահմանված ձևով գործի»,- նշել է Փաշինյանը: