Լուկաշենկոն ասել է, որ Պրիգոժինն իր հետ զրույցում հրաժարվել է Շոյգուին իրեն արտահանձնելու պահանջից

«Վագներ»-ի հիմնադիր Եվգենի Պրիգոժինն Ալեքսանդր Լուկաշենկոյի հետ «բանակցությունների մի քանի փուլից հետո» ապստամբության օրը հրաժարվել է պաշտպանության նախարար Սերգեյ Շոյգուին և Գլխավոր շտաբի պետ Վալերի Գերասիմովին իրեն հանձնելու պահանջներից: Այս մասին հայտնել է հենց Լուկաշենկոն:

«Նա (Պրիգոժինը-խմբ.) ինձ ասաց՝ Ալեքսանդր Գրիգորևիչ, ես նախագահից չեմ պահանջի, որ նա հրաժարվի Շոյգուից և Գերասիմովից և նույնիսկ հանդիպում չեմ խնդրի: Ես ասում եմ՝ դե, դա լավ է: Սա շատ լավ քայլ է։ Պետք չէ այս պարագայում, լարելով իրավիճակը, պահանջել անհնարինը»,- ասել է Լուկաշենկոն։

Նրա խոսքով՝ Լուկաշենկոն Պրիգոժինին խոստացել է տանել Բելառուս, եթե նա շրջի դեպի Մոսկվա շարժվող շարասյան ուղղությունը և թույլ չտա արյունահեղություն։ Լուկաշենկոյի խոսքով՝ ինքն է խնդրել է ԱԴԾ ղեկավար Ալեքսանդր Բորտնիկովին՝ չհարվածել «Վագներ»-ի զինտեխնիկային: