«Եթե Վաշինգթոնը կոշտ չարձագանքի Բաքվի սադրանքին, ուրեմն առանձնապես դեմ չէ». Սուրեն Սուրենյանց

Քաղաքագետ Սուրեն Սուրենյանցի ֆեյսբուքյան գրառումը. «Բանակցությունները չպետք է ինքնանպատակ լինեն
Ես չեմ բացառում, որ պաշտոնական Բաքուն միտումնավոր է դիմել սադրանքի՝ վաշինգթոնյան հարթակը վարկաբեկելու համար: Իհարկե, ավելի շատ հակված եմ կարծելու, որ Բաքուն կրակել է Բաքու-Ստեփանակերտ հնարավոր դիալոգի «միջազգային մեխանիզմների» դեմ՝ հասկացնելով, որ ԼՂ-ն իր «ներքին հարցն» է:
Այս համատեքստում, եթե Վաշինգթոնը կոշտ չարձագանքի Բաքվի սադրանքին, ապա դա առնվազն նշանակելու է, որ առանձնապես դեմ չէ այդ սադրանքին, մանավանդ, որ այն, առաջին հերթին, վարկաբեկում է ռուսական խաղաղապահ առաքելությունը:
Այո, պաշտոնական Երևանը բանակցային կառուցողական դիրքորոշում պետք է ունենա, մյուս կողմից՝ ո՞ւմ են պետք բանակցությունները, եթե Վաշինգթոնը կոշտ գնահատական չպետք է տա ադրբեջանական սադրանքին:
Որևէ հարթակում բանակցությունները չպետք է ինքնանպատակ լինեն»: