«Մեզ մոտ զոհվածների թիվը գերազանցում է վիրավորների թիվը. սա ի՞նչ է նշանակում». Վովա Վարդանով

«Տարրական մի բան ասեմ՝ զոհվածների թիվը Ջերմուկի դեպքերում (գործողությունները միայն Ջերմուկում չէին ծավալվում) 200-ից մի քիչ ավելի էին: Իսկ գիտե՞ք, որ վիրավորվածների ու զոհվածների թիվը նորմալ հասարակություններում պետք է լինի մեկին՝ երեք: Իսկ զարգացած հասարակություններում՝ մեկին վեց, ավելի «աննորմալ» հասարակություններում, ոնց որ Իսրայելն է՝ մեկին յոթ: Իսկ մեզ մոտ զոհվածների թիվը գերազանցում էր վիրավորների թիվը»,- այս մասին 24TV-ի հաղորդման ժամանակ ասաց «ՈՄԱ»-ի հիմնադիր նախագահ Վովա Վարդանովը:

«Սա ի՞նչ է նշանակում, երբ որ զոհվածների մեծ մասը վիրավորում են ստացել վերջույթներից: Ինչո՞ւ վերջույթից վիրավորվածը պիտի զոհվի: Կարո՞ղ ա նրանից ա, որ մենք ոչ մի բան չենք անում: 2018 թվականից առ այսօր հայտարարվեց ռեֆորմ, ո՞րն ա էդ ռեֆորմը, նոր զենքի տեսա՞կ: Դա ռեֆորմ չի: Ռեֆորմն այն է, երբ ինչ-որ արմատական բան ես փոխում:

Հայկական պետության մեջ, ոչ միայն բանակում, մարդու կյանքի վրա թքած ունեն: Մարդու կյանքը մի հատ «փուհ ա», ոչ մեկ չի դողում մարդկային կյանքի վրա»,- ընդգծեց Վարդանովը: