«Ես չեմ տեսել, որ ՀՀ իշխանությունը բանակցությունների գնա հայանպաստ օրակարգով». Զոհրաբյան

«Այո՛, ես երբևէ չեմ լսել, բացի մի քանի անիմաստ, բառային օդ կրակոցներից, որ ՀՀ իշխանությունը փորձի սեփական, հայանպաստ, հայապահպան օրակարգով գնալ բանակցությունների»,- լրագրողների հետ ճեպազրույցի ժամանակ ասել է ԱԺ նախկին պատգամավոր Նաիրա Զոհրաբյանը՝ անդրադառնալով Ֆրանսիայի նախագահ Մակրոնի հայտարարությանը, ըստ որի՝ ինքն Ալիևի վրա ավելի շատ ճնշում է գործադրել, քան Փաշինյանը: «Այն, ինչ ներկայացնում է Փաշինյանը Արցախի հարցում, դա Թուրքիայի ու Ադրբեջանի օրակարգն է: Ես 15 տարի եղել եմ միջազգային կառույցներում ներկայացված պատգամավոր ու որևէ անգամ չեմ հիշում, որ ադրբեջանցի որևէ պատգամավոր Ադրբեջանի տարածքային ամբողջականությունը վկայակոչելիս մեջբերի Ալմաթիի հռչակագիրը: Այն կքնվել է Արցախի անկախության հանրաքվեից հետո, երկրորդ՝ այն ՀՀ Գերագույն խորհուրդը վավերացրել է վերապահումով ու երրորդ՝ այդ հռչակագրով որևէ կերպ չեն կանխորոշվում միջպետական հարաբերությունները»,- հավելել է Զոհրաբյանը: