«Շորտի պատճառով արգելել են մասնակցել «Հայաքվե»-ին. միևնույն ժամանակ՝ ՔՊ-ականի հագուստը ԱԺ-ում». Քրիստինե Վարդանյան

ԱԺ «Հայաստան» խմբակցության պատգամավոր Քրիստինե Վարդանյանը ֆեյսբուքյան իր էջում գրել է. «Այսօր մի քաղաքացու արգելել են մասնակցել «ՀայաՔվե»-ին և քվեարկել, պատճառաբանելով, որ նա ՈւՇԱԴՐՈւԹՅՈւՆ շորտերով է:
Քաղաքացուն տվել են թուղթ, որտեղ գրված է, որ էլի ուշադրություն՝ հանրային ծառայողը պետք է բացառի «տոնական, փայլուն, թափանցիկ ... հագուստ կրելը»:
Քաղաքացին, իհարկե հանրային ծառայող չէ և աշխատանքի չէր գնում, այլ ցանկանում էր քվեարկել Արցախն Ադրբեջանի կազմում ճանաչելը և Ցեղասպանության ժխտումը քրեականացնելու օրենսդրական փսփոխության օգտին:
Ներքևում տեղադրում եմ քաղաքացու նկարն, ում շորտերի պատճառով արգելել են իրացնել իր սահմանադրական իրավունքը և ԱԺ նիստերի դահլիճից կադր ՔՊ պատգամավորի մասնակցությամբ:
Հ. ես երբեք չէի անդրադառնա հագուստի թեմային, եթե այս ռեժիմը չորոշեր դա էլ դարձնել գործիք՝ քաղաքացիների իրավունքների ոտնահարման համար»: