«Բաղրամյան 26-ի դիմաց հսկիչ անցագրային կետ ենք տեղադրելու». Էդգար Ղազարյան

«Ռեվյու» հաղորդման եթերում Լեհաստանում Հայաստանի նախկին դեսպան, հասարակական, քաղաքական գործիչ Էդգար Ղազարյանը խոսել է հուլիսի 5-ին՝ Սահմանադրության օրը սպասվող հանրահավաքի մասին, որի վերաբերյալ նա ավելի վաղ տեղեկացրել էր ֆեյսբուքյան իր էջում. «Ծրագիրը հետևյալն է՝ հավաքվելու ենք հուլիսի 5-ի երեկոյան ժամը 19:00-ին՝ Հանրապետության հրապարակում, որից հետո երթով շարժվելու ենք Բաղրամյան 26: Ուղերձը հետևյալն է՝ մենք պայքարում ենք այն իշխանավորների դեմ, ովքեր խախտում են ՀՀ Սահմանադրությունը, նսեմացնում են պետական խորհրդանիշերը, կործանում ՀՀ-ը, հետևաբար՝ գնում ենք նրանցից հաշիվ պահանջելու»,- ասել է Ղազարյանը՝ հավելելով, որ գիշերը մնալու են Բաղրամյան 26-ի դիմաց. «Այնտեղ հսկիչ անցագրային կետ ենք տեղադրելու՝ մոտավորապես այնպիսին, ինչպիսին ադրբեջանցիները տեղադրել են Լաչինում: Հայկական ժողովրդական հսկիչ անցագրային կետ կտեղադրենք, որպեսզի ստուգենք՝ ովքե՞ր են, ո՞ւր են գնում, ի՞նչ իրավունք ունեն՝ գնալու: Եթե պարզվի՝ գնում են, որպեսզի Ադրբեջանի շահերից որոշումներ կայացնեն, ապա պետք է ուղղորդենք Ադրբեջանի նախագահական նստավայր»,- ասել է բանախոսը: