«Հորը փակել են բանտում, հիմա էլ որդուն են հետապնդում». Ժաննա Ալեքսանյան

Իրավապաշտպան Ժաննա Ալեքսանյանը ֆեյսբուքյան իր էջում գրում է. «Վարուժան Ավետիսյանի որդու՝ Դավիթի ձերբակալությունը նույնն է, ինչ որ արվեց Շանթի Հարությունյանի դեպքում։ Երբ հորը փակել են բանտում ու չեն բավարարվել, հիմա էլ որդուն են հետապնդում, ընտանիքին հոգեբանական խոշտանգումների ենթարկում։ Պետությունն իր ամբողջ ուժով ճզմում է 18-ամյա տղային և ընտանիքին։ Ի՞նչ է ասել Դավիթ Ավետիսյանը Փաշինյանին․ «պատասխան ես տալու իմ զոհված ընկերների համար»։ Ցավը սրտում պահած տղան կարող էր չէ՞ սա ասել, հո նա միակը չէ, որ պատասխանատվության սլաքն ուղղում է դեպի Փաշինյանը։ Եվ ինչպես միշտ, Փաշինյանը ոչ թե պատասխանում է հարցերին ու հարցադրումներին, այլ պատասխանում է հարցը տվողներին։ Վարուժան Ավետիսյանի որդու դեպքում դիմում կոնկրետ գործողությունների։ Ազատ արձակեք Վարուժան Ավետիսյանի որդուն, հերիք է օրինականություն խաղաք։ Հիշեցնեմ՝ այո, դուք եք պատասխանատու երկրի, պատերազմի ու զոհերի համար»։