Պրիգոժինին վերադարձրել են Շոյգուի նվերը

«Վագներ» մասնավոր ռազմական ընկերության հիմնադիր Եվգենի Պրիգոժինի տան խուզարկության արդյունքում հայտնաբերված զենքերը վերադարձվել են տիրոջը:

Ռուսական լրատվամիջոցները գրում են, որ Պրիգոժինին վերադարձրել են երկու «Սայգա» կարաբին, ավստրիական Steyr Mannlicher ինքնաձիգ, «Արկա» կիսաավտոմատ հրացան, ևս մի քանի հրացան և ատրճանակ։

Այս հավաքածուի մեջ ամենանշանավորը Glock ատրճանակն է, որը Պրիգոժինին պարգևատրել է ՌԴ պաշտպանության նախարար Սերգեյ Շոյգուն։

Նշվում է, որ «Վագներ» ՄՌԿ ղեկավարն անձամբ է ժամանել Սանկտ Պետերբուրգ, որտեղ նրան վերադարձվել են խուզարկության ժամանակ հայտնաբերված զենքերը։