«Հուսով եմ՝ հայրենիքի գողը կհետևի իր խորհրդին ու կկարդա Սահմանադրությունը». Էդգար Ղազարյան

«Այսօր վարչապետի պաշտոնն զբաղեցնող հայրենիքի գողը՝ Նիկոլ Փաշինյանը, կոչ է անում մարդկանց, որ նրանք կարդան ՀՀ սահմանադրությունը: Հուսով եմ, որ ինքը կլինի առաջին մարդը, որ կհետևի իր կոչին և կկարդա Սահմանադրությունը»,- քիչ առաջ Երևանի Հանրապետության հրապարակում լրևագրողների հետ զրույցում հայտարարեց Հասարակական-քաղաքական գործիչ Էդգար Ղազարյանը:

«Քանի որ նա կիսագրագետ է, բարձրագույն կրթություն չի հասցնել ստանալ, կարծում եմ, որ միայն Սահմանադրության նախաբանն ու առաջին 2 հոդվածները բավարար են, որ նա հասկանա, որ ինքը Սահմանադրության ամենամեծ խախտողն է: Որովհետև Սահմանադրության նախաբանը հղում է կատարում ՀՀ Անկախության հռչակագրին, որն իր հերթին հղում է անում Հայաստանի և Արցախի վերամիավորման Գերագույն խորհրդի և Ղարաբաղի ազգային խորհրդի համատեղ որոշումներին: Այսինքն, մեր Սահմանադրության հիմքում դրված է Հայաստանի և Արցախի միավորման գաղափարը: Եվ եթե ինքը հրաժարվում, հեռանում է այդ գաղափարից, նշանակում է՝ ինքը խախտում է ՀՀ Սահմանադրությունը»,- նշեց Ղազարյանը: