«Սահմանադրական դատարանի կազմի փոփոխությունը միայն այդ նպատակն է ունեցել». Էդգար Ղազարյան

Երթով հասնելով Սահմանադրական դատարանի բակ՝ քաղաքական գործիչ Էդգար Ղազարյանը դիմեց երթի մասնակիցներին. «Այս հաստատությունը մինչև 2020 թվականը կոչվում էր Սահմանադրական դատարան: Հիմա այն դարձել է հակասահմանադրական դատարան: Որովհետև 2020 թվականին ԱԺ «Իմ քայլը» խմբակցությունը, միայն մեկ խմբակցության նախաձեռնությամբ և որոշմամբ, ընդամենը 4 ժամում, խախտելով ՀՀ Սահմանադրությունը, Սահմանադրության մեջ կատարել են փոփոխություն՝ ունենալով ընդամենը 1 նպատակ՝ փոխել Սահմանադրական դատարանի կազմը և այստեղ բերել իրենց վերահսողության տակ գտնվող դատավորների: Դեռևս 2020 թվականին, արտակարգ դրության պայմաններում, Նիկոլ Փաշինյանը շատ լավ հասկանալով, որ մեր ժողովրդին տանելու ա պատերազմի ու պարտության և դրա վերջը լինելու ա Արցախը թշնամուն հանձնելու նենգ ու դավադիր ծրագիրը, հասկանալով որ շուտ-ուշ դա պետք ա ունենա միջազգային պայմանագրի տեքստ՝ այն, ինչը հիմա փորձում են ներկայացնել իբրև խաղաղության պայմանագիր, պետք է նախ ընդունվի ՍԴ-ում: Եվ դատարանը միայն իր դրական եզրակացությունից հետո կարող է ուղարկել Ազգային ժողով՝ հաստատման, այնուհետև նախագահը ստորագրի և հրապարակի: Սա ներքին վավերացման գործընթացն է, և այս մտադրությունը սրանք ունեցել են դեռևս 2020 թվականին: Եվ Սահմանադրական դատարանի կազմի փոոփոխությունը միայն այդ նպատակն է ունեցել, որովհետև մյուս կազմը հաստատ չէր ասելու, որ Արցախը թշնամուն հանձնելը Սահմանադրության համապատասխան է»: