«Երբ մարդուն հետաքրքրում է ընդամենը Նիկոլից պրծնելը, և ոչ թե այն, թե ինչ է լինելու Նիկոլից հետո». Ս. Սիմոնյան

ՀԽ նախկին մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Վերջերս Նիկոլի թունդ հակառակորդ մեկն ասաց՝ սրանից հետո Նիկոլի բոլոր ընդդիմադիրների կազմակերպած ստորագրահավաքներին ստորագրելու եմ։ Նկատի ուներ Հայաքվեն։ Ուզում էի ասել՝ դե այդպես 18 թվին Սեռժիկի ժամանակ էլ ստորագրեցիք, որ էս օրն ընկանք, բայց խորհրդանշական կերպով լռեցի։ Ստորագրեցիք, որ մենակ Սեռժիկ մերժեք։ Ի՞նչ ասեի, երբ մարդուն հետաքրքրում է ընդամենը Նիկոլից պրծնելը, և ոչ թե այն, թե ինչ է լինելու Նիկոլից հետո։ Սա է մեր դժբախտությունը։
Ու սա նրանից է, որ քաղաքացին դեռ չի գիտակցում, որ ինքը ոչ թե մարդ պետք է ընտրի, ու քաշվի մի կողմ, այլ ինքը պետք է պատասխանատվություն կրի իր քվեի ու երկրի ապագայի համար և ինքը դրա մասնակիցը լինի»։