«Էրդողանը երբեք այսքան բարի չէր եղել ՆԱՏՕ-ի նկատմամբ». Կարեն Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրում է․ «Էրդողանը երբեք այսքան բարի չէր եղել ՆԱՏՕ-ի նկատմամբ։ Էրդողանի համար սկզբունքային հարցը, այն է՝ քրդերի հարցը, այլևս դարձել է արարողակարգային։ Ամեն դեպքում պետք է արձանագրենք, որ Թուրքիայում ընտրությունները էժան չեն նստում ոչ Էրդողանի վրա, ոչ էլ հետևապես, Թուրքիայի վրա։
Ռազմական հեղաշրջումից Պուտինը փրկեց, այս ընտրություններում էլ, կարծես թե, Արևմուտքը պատին դեմ տվեց։ Երկու քարի արանքում չէր կարող մնալ, հետևապես պետք է հենց ինքը՝ Էրդողանը արգելք չլիներ ՆԱՏՕ-ի ընդարձակման գործին, այլապես շատ տխուր վախճան կլիներ թե՛ իր, թե՛ Թուրքիա համար․․․ Սակայն դեռ հարց է մնում, թե ինչպիսի Թուրքիա կլինի հոկտեմբերից հետո։ Ամեն դեպքում ես հակված եմ նրան, որ Թուրքիային կրկին ընտրություններ են սպասվելու, արտահերթ ընտրություններ․․․ Տեսնենք․․․»: