«Արմեն Աշոտյանի դեմ փորձում են նոր հոդվածներ մոգոնել». Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրում է. «Իրավապահ համակարգը չի բավարարվում Արմեն Աշոտյանի դեմ կարված գործով ու անընդհատ փորձում է նոր հոդվածներ մոգոնել:
Իշխանության խնդիրը իրավական բարդ թնջուկ ստեղծելն է, որպեսզի Արմենի ողջ ուշադրությունն ու ժամանակը գնա նմանատիպ տեխնիկական թեմաների վրա՝ համարելով, որ այդպիսով հնարավոր կլինի որոշակիորեն պասիվացնել Աշոտյանին:
Արմենը խոսել է ամենաբարդ ժամանակներում, ուղիղ խոսել ճշմարտության մասին՝ անտեսելով այն բոլոր ճնշումները, որոնք մշտապես եղել են:
Մեկ է՝ Արմենը շարունակելու է խոսել՝ որքան էլ, որ այն շատերի համար դառը լինի»: