«Սա մեսիջ է». Մենուա Սողոմոնյան

«ՀայաՔվե» նախաձեռնության անդամ Մենուա Սողոմոնյանը ֆեյսբուքյան իր էջում գրել է. «Անժելա Էլիբեգովայի արած համեմատությունն իմաստային առումով տեղին է։ Իսկ իրականում որևէ տեղ հստակ չի ֆիքսվել, թե իբր Ֆրանսիայի Լյուդովիկոս 16-րդի կինը՝ թագուհի Մարի Անտուանետը բնակչության սովյալ լինելու առնչությամբ արտաբերել է՝ «հաց չունեն, թող տորթ ուտեն» արտահայտությունը։ Ժամանակակից պատմագիտությունն այն գնահատում է իբրև լեգենդ՝ տարածված այն ժամանակներում ծաղկում ապրող ֆրանսիական դեղին մամուլով։
Հայաստանի ու մեր օրերի պարագայում մինչդեռ ամեն ինչ առավել քան հստակ է։ Արցախում սննդի ու դեղորայքի ակնհայտ պակասի, մարդկանց թերսնման փաստի ֆոնին վարչապետի կնոջ կողմից գեղեցիկ ձևավորված ուտելիքը Ֆեյսբուքում ցույց տալը ոչ միայն փաստ է, այլև մեսիջ է առ այն, որ հայ ժողովրդի մի հատվածը պետք է անտարբեր լինի մյուս հատվածի հետ տեղի ունեցողին...»: