«Նման մտքերի կրողները պետք է մերժվեն ու շատ կոշտ». Էլիբեգովա

Ադրբեջանագետ Անժելա Էլիբեգովայի ֆեյսբուքյան գրառումը. «Երեկվա ասուլիսին հնչած ներազգային պառակտում, թշնամանք, այլատյացություն պարունակող թեզերը ցանկացած գիտակից, սթափ մարդու համար անընդունելի պետք է լինեն և դրա մասին պետք է խոսել։
Որովհետև երբ իշխանությունը ազգի մի հատվածի վերաբերյալ խտրական և ագրեսիվ վարք է դրսևորում, դա վերջում աղետի է բերում։
Հանրային պարսավանքը նման մտքեր կրողների հանդեպ պետք է լինի բոլորիս վարքագծային կանոնը։ Չի կարելի լուռ հետևել իշխանության ֆաշիստական տարրեր պարունակող քարոզչությանը, պատմությունը ցույց է տալիս, որ դա սարսափելի հետևանքների է բերում։
Առողջ հանրության մեջ նման մտքերի կրողները պետք է մերժվեն ու շատ կոշտ»։