Հակառակորդը մատնացույց է անում Ակնա-Ստեփանակերտ ճանապարհը

«Ադրբեջանը տարբեր մակարդակներով բազմիցս հայտարարել է, որ Աղդամ-Խանքենդի (Ակնա-Ստեփանակերտ-խմբ.) ճանապարհը կարող է օգտագործվել բեռներ տեղափոխելու համար այն տարածք, որտեղ ժամանակավորապես տեղակայված են ռուս խաղաղապահները»,- այս մասին հայտարարել է Ադրբեջանի նախագահի հատուկ ներկայացուցիչ Էմին Հուսեյնովը:

Էմին Հուսեյնովի խոսքերով, «այն պարագայում, երբ Բարդա-Աղդամ ճանապարհի տեխնիկական բնութագրերը թույլ են տալիս ապրանքների ավելի արագ և արդյունավետ առաքում, անջատողական ռեժիմի կողմից իրենց ներկայացուցիչներ կոչող անհատների հրաժարումը դրանից միանգամայն անհասկանալի է։ Այստեղ միայն մեկ նպատակ կա՝ քաղաքական շոու և քաղաքական շահարկումներ։ Եվս մեկ անգամ տեղեկացնում ենք, որ Աղդամ-Խանքենդի ճանապարհահատվածը բաց է բեռնափոխադրումների համար»։