«Խորտակվող նավի վրա նվագախումբը նվագում է, ինչի՞ց եք այդպես ուրախացել». Ո. Սարգսյան

Լրագրող Ոսկան Սարգսյանի գրառումը. «Երևանի կրկեսը չեն վերաբացում, որովհետև Ազգային ժողովը վերածվել է քաղաքական կրկեսի, բոլոր ծաղրածուներն այնտեղ են, սակայն ծիծաղի փոխարեն լացներս է գալիս։ Նիկոլ Փաշինյանը կառավարության նիստերը վերածում է հումոր փարթիների։ Ինչի՞ց եք այդպես ուրախացել, Ադրբեջանի բանտերում տանջվող հայ գերիներին վերադարձրե՞լ եք, ՀՀ տարածքում ավելի քան 2 տարի ամրացած ադրբեջանական զինուժին վտարե՞լ եք, սովահարության եզրին գտնվող Արցախն ապաշրջափակել ե՞ք, Հայաստանի 11 միլիարդ դոլար արտաքին պարտքը մարե՞լ եք։
Հայաստանը խորտակվող «Տիտանիկն» է, խորտակվող նավի վրա նվագախումբը նվագում է, իշխանական կայֆերը, գինու, գարեջրի և այլ փառատոնները շարունակվում են։ Հո իրենց զավակները չեն զոհվել պատերազմում, իրենց տղաներին չեն խոշտանգում Բաքվի բանտերում, իրենք պետական բյուջեի փողերով կայֆավատ են լինում»։