Դավիթ Բաբայանը՝ Ստեփանակերտ-Բաքու հնարավոր երկխոսության մասին

Ես տեղեկություններ չունեմ, մենք ընդհանրապես դեմ չենք հանդիպումների, եթե պահպանվի համապատասխան ձևաչափը, սակայն այդ ձևաչափն Ադրբեջանը չի պահպանում: Այս մասին «Նյուզ»-ի հետ զրույցում ասացել է Արցախի ԱԳ նախարար Դավիթ Բաբայանը՝ անդրադառնալով այն տեղեկատվությանը, թե ԱՄՆ միջնորդությամբ եվրոպական քաղաքներից մեկում պետք է կայանա Ստեփանակերտ-Բաքու երկխոսությունը: «Ադրբեջանի պայմանները մեզ համար ընդունելի չեն: Եթե բանակցում եք իսկապես հակամարտության կարգավորման վերաբերյալ, դա այլ խնդիր է, բայց մենք ունենք իրարամերժ մոտեցումներ: Խնդիրը սա է: Եվ դժվար թե Ադրբեջանը վերանայի իր մոտեցումները, հատկապես հիմա՝ ինչ կատարվեց այս երկու օրերին»,- ասաց նա: