«Այլևս թույլ չենք տալու մեր անունն օգտագործել ձեր անազնիվ ու անարդար խաղերում». Նորիկյան

«Արդար Հայաստան» կուսակցության ղեկավար Նորայր Նորիկյանն իր էջում գրում է. «Քանի դեռ պոպուլիզմը, ստախոսությունը, կրկեսային ընկալումները, ինչպես նաև փողով ցանկացած հարց լուծելու տխրահռչակ պրակտիկան չենք վերացրել քաղաքական դաշտից, շարունակելու ենք մնալ նույն քաղաքական աղբի մեջ…
------------------------------------------------
Հարգելի՛ բարեկամներ
Վերջին անգամ բարեկամաբար հորդորում եմ սոցիոլոգիական հարցումներով զբաղվող որևէ ընկերության այսուհետ որևէ ձևով չօգտագործել իմ կամ «Արդար Հայաստան» կուսակցության անունը։
Ձեր խղճի մտոք շարունակեք Ձեր գործունեությունը, սակայն այլևս թույլ չենք տալու մեր անունն օգտագործել Ձեր անազնիվ ու անարդար խաղերում։
Կյանքը ցույց կտա, թե ով ով է․․․
Այնուամենայնիվ, այս սուբյեկտների գործունեությունն ստիպում է առավել վճռականությամբ պայքարել ձևավորված շինծու ու ֆեյք իրականության դեմ։
Այսքան սուտ, այսքան լկտի սուտ տարածել ու դրա հիման վրա փորձել հանրային տրամադրություն ձևավորել, չի՛ կարելի, պարզապես չի՛ կարելի։
Մեկ անգամ ևս համոզվում եմ, որ քանի դեռ պոպուլիզմը, ստախոսությունը, կրկեսային ընկալումները, ինչպես նաև փողով ցանկացած հարց լուծելու տխրահռչակ պրակտիկան չենք վերացրել քաղաքական դաշտից, շարունակելու ենք մնալ նույն քաղաքական աղբի մեջ։
Քաղաքականությունն առաջին հերթին ինտելեկտուալ ու քաղաքական մտքի պայքար է, գաղափարներ որոնելու և այն իրացնելու գործունեություն , ոչ թե ստախոսության, անազնվության, այլասերվածության, ինչպես նաև բախտախնդիրների, քաղաքական տուրիստների ճեմելու միջավայր ու կլունադա․․․
Մնացածի մասին առաջիկայում․․․»: