«Ճակատագրի ծաղր, նիկոլիզմի քայքայիչ աղանդի ու ազգակործան ծրագրի հետևանք». Վ. Սարգսյան

Պատմաբան, խմբագիր Վահե Սարգսյանը ֆեյսբուքյան իր էջում գրառում է կատարել․ «Ճակատագրի ծաղր, նիկոլիզմի քայքայիչ աղանդի ու ազգակործան ծրագրի հետևանք. մահացել է Աղավնո-Հայրենիքը պարտադրաբար լքած ու սեփական տունն այրած աղավնոցին, և այդ նույն օրը վերստին Աղավնո են եկել կովկասյան թաթարների ժառանգները:
Ես գիտեմ՝ ով իրեն հայ է համարում, չի կարող չմղկտալ Ալիևի կառուցած Աղավնոյի նկարները տեսնելով, չի կարող իրեն հարց չտալ՝ ինչու՞ մենք նույնը չարեցինք Մռավից մինչ Հորադիզ, ինչու՞ տասնյակ հազարավոր սիրիահայերը, իրաքահայերը, ԱՄՆ-ում, ՌԴ-ում, Եվրոպայում և այլուր կայք հաստատած հայերը չվերադարձան Արաքսի դրախտային հովիտ ու չվերականգնեցին հայկական շարունակականության ընդհատված շղթան, ինչու՞ մատների վրա հաշվվող մեր հայրենակիցներին, որոնք մեծ դժվարություններով հաստատվել էին ազատագրված հայրենիքում, ստիպեցինք այրել իրենց պաշտելի շեները և նորից դառնալ թափառական... շարքը շարունակելի է:
Եվ նաև գիտեմ, որ այդ մղկտոցը մի օր պոռթկում է դառնալու, ճզմելու է նիկոլիզմին, և հառնելու է վերստին երկրագնդի զարդարանքը՝ Հայոց Աստվածատուր քաղաքակրթությունը:
Ալիև-Նիկոլ դաշինքի զավթած Աղավնոն վերադառնալու՛ է»: