«Թուրքիան իր երկու պահանջները հայտնել է՝ սպասում է, որ Հայաստանը կատարի». Ռուբեն Սաֆրաստյան

«Այն քաղաքականությունը, որն իրականացնում է Ադրբեջանն արցախահայության նկատմամբ, իսկապես ցեղասպան քաղաքականություն է»,- 168TV-ի «Ռեվյու» հաղորդաշարի եթերում մեկնաբանելով Արցախի բնակչության նկատմամբ կատարվողը, ասել է ԳԱԱ Արևելագիտության ինստիտուտի նախկին տնօրեն, թուրքագետ Ռուբեն Սաֆրաստյանը՝ հավելելով, որ նման գնահատական տալիս են ոչ միայն հայ մասնագետները, այլև արտասահմանցի խոշոր ցեղասպանագետներն ու իրավագետները։

«Այս ցեղասպան քաղաքականությունը, եթե պատմական տեսանկյունից նայենք, ապա այո, Հայոց ցեղասպանության քաղաքականության շարունակությունն է։ Կարծում եմ՝ պետք է Հայաստանն ավելի ակտիվ օգտագործի այդ հանգամանքը, ավելի հստակ ներկայացնի, որ փաստորեն 1915 թվականի ցեղասպանությունը, որը ճանաչել են աշխարհի շատ երկրներ, փորձ է արվում այսօրվա պայմաններում շարունակել»,- ասել է Սաֆրաստյանը։