«Չի կարելի սպասել, որ Ֆրանսիան, Ռուսաստանը կամ որևէ այլ պետություն մեզ համար նվերներ են մատուցելու». քաղաքագետ

Քաղաքագետ Արա Պողոսյանի ֆեյսբուքյան գրառումը. «Այն, որ Ֆրանսիան կարող է Արցախի հարցով որոշակի դրական նպաստ ունենալու կանխատրամադրվածություն ունենալ, լրիվ իրատեսական է, հաշվի առնելով այն հանգամանքը, որ ֆրանսիական արտաքին քաղաքականությունը փորձում է վերականգնել ֆրանսիական ազդեցությունը Եվրասիական տարածաշրջանում, ամրապնդելով Աֆրիկայում և այլն։ Ստացվում է, թե ոչ, սա այլ քննարկման նյութ է։
Վերադառնալով Արցախի հարցում Ֆրանսիայի հնարավոր նոր որակի դերակատարությանը, այստեղ ամեն ինչ ըստ էության կախված է Հայաստանի Հանրապետության և հայկական Սփյուռքի կատարվելիք աշխատանքից։ Առանց այդ աշխատանքի ամեն ինչ կանցնի աննկատ ու մեզ համար առավելագույն աննպաստ։
Միաժամանակ չի կարելի նստել և սպասել, որ Ֆրանսիան, Ռուսաստանը կամ որևէ այլ պետություն մեզ համար նվերներ է մատուցելու։ Ի վերջո՝ միջազգային քաղաքականությունը տալու և առնելու արվեստ է, և մեր աշխատանքի բացակայության դեպքում աշխատելու է թշնամին ու մենք մնալու ենք ձեռնունայն»։