«Ես չեմ համարում, որ Արայիկ Հարությունյանը ճնշման տակ է հրաժարական տվել». Սամվել Բաբայան

Արցախի «Միասնական հայրենիք» կուսակցության նախագահ Սամվել Բաբայանն «Ազատության» եթերում անդրադառնալով Արայիկ Հարությունյանի հրաժարականին՝ ասել է, որ ճնշումներ չեն եղել. «Ես չեմ համարում, որ ճնշման տակ է հրաժարական տվել: Երկրորդ՝ անակնկալ չի եղել, որովհետև ես դրա մասին 10 օր առաջ իմ հարցազրույցներում ասել եմ, որ Հարությունյանը պետք է գնա, այլընտրանք չունի, որովհետև քաղաքական և որևիցե դրսի ուժ չի սատարում, չի փորձում հետը խնդիրներ լուծել և նա պարտադրված է լինելու գնալ։ Հիմա, թե ինչքանով է ինքը ձևակերպում, որ իրեն պարտադրել են, դա արդեն այլ խնդիր է»,- նշել է Բաբայանը: