Պեսկովը պատասխանել է Փաշինյանին

Իտալական La Repubblica թերթին տված հարցազրույցում ՀՀ վարչապետն ասել էր, որ Ռուսաստանի Դաշնության խաղաղապահ ուժերը չեն կատարում եռակողմ հայտարարությամբ իրենց ստանձնած առաքելությունը: Վլադիմիր Պուտինի խոսնակ Դմիտրի Պեսկովն այսօր արձագանքել է Փաշինյանին. «Մենք խորապես հարգում ենք վարչապետ Փաշինյանին, բարձր ենք գնահատում նրա և նախագահ Պուտինի աշխատանքային, կառուցողական հարաբերությունները և հուսով ենք, որ այդ հարաբերությունները կշարունակեն լինել երկու երկրների սերտ համագործակցության երաշխիք։ Բայց չենք կարող համաձայնել պարոն վարչապետի այդ թեզերի հետ։ Ռուսաստանն այս տարածաշրջանի անբաժանելի մասն է, ուստի չի կարող դուրս գալ Հայաստանից»,- РИА Новости-ի փոխանցմամբ՝ ասել է Պեսկովը: