«Առանց մտածելու դուրս է տվել». Զախարովա

ՌԴ ԱԳՆ պաշտոնական ներկայացուցիչ Մարիա Զախարովան սոցկայքի իր էջում արձագանքել է ՀՀ ԱԺ նախագահ Ալեն Սիմոնյանի երեկվա հայտարարությանը: «Ուզում եմ աջակցության խոսքեր ասել մոլորակի բոլոր «քարտուղարուհիներին»: Ընկերուհինե՛ր, ձեր աշխատանքը նույնիսկ ամենաբարձր ղեկավարի հաջողության գրավականն է: Առանց ձեր ամենօրյա քրտնաջան աշխատանքի, ամեն ինչ ջուրը կընկնի: Մի նեղացեք. այս մարդը, վստահ եմ, առանց մտածելու դուրս է տվել: Ձեր վերաբերմունքը նրա ասածին՝ մի տարածեք հայ ժողովրդի վրա: Հայ ժողովուրդն իմաստուն է, բազմաչարչար ու սիրալիր»,- գրել է Զախարովան:

Հիշեցնենք՝ լրագրողների հետ երեկվա ճեպազրույցում Ալեն Սիմոնյանն ասել էր՝ «չեմ պատրաստվում արձագանքել ինչ-որ գերատեսչության ինչ-որ քարտուղարուհու, կարծում եմ՝ դա իմ մակարդակը չէ»: