«ՀՀ-ում զինղեկների աշխատավարձը կրճատվում է 50%-ով». Ն. Միրզոյան

Գյումրու ավագանու անդամ Նարեկ Միրզոյանը ֆեյսբուքյան իր էջում գրել է. «Վերջին օրերին բազմաթիվ ահազանգեր ենք ստացել առ այն, որ ՀՀ ԿԳՄՍ նախարարի 2022 թվականի դեկտեմբերի 7-ի թիվ 79-ն հրամանում փոփոխություններ և լրացումներ կատարելու մասին թիվ 112-ն հրամանով (4 սեպտեմբերի 2023 թվական) ՀՀ-ի հանրակրթական դպրոցների մեծամասնությունում զինղեկների աշխատավարձը կրճատվում է 50 տոկոսով։ Գործող իշխանությունները հերթական անգամ ապացուցում են իրենց ազգակործան գործունեությունը՝ պատերազմող երկրում հարված հասցնելով երկրի անվտանգությանը և կասկածի տակ դնում հայոց պետականության գոյությունը։ Երկրի անվտանգությունն ապահովելու փոխարեն նիկոլական գերատեսչության ղեկավարի հրամանով կրճատվում է հանրակրթական դպրոցների զինղեկների աշխատավարձը՝ նպատակ ունենալով ևս մեկ հարված հասցնել երկրի պաշտպանողականությանը և սեփական հայրենիք ունենալու իրավունքին»: