Շերամի փողոցում 2 տարեկան երեխան վայր է ընկել պատուհանից

686

Ուրբաթ, 08 սեպտեմբերի, 2023 թ., 23:36

Երեկ՝ սեպտեմբերի 7-ին, արտակարգ դեպք է տեղի ունեցել Երևանում:

Ինչպես հայտնում է ֆոտոլրագրող Գագիկ Շամշյանը, ժամը 18:25-ի սահմաններում «Աստղիկ» բժշկական կենտրոնից ՀՀ Ներքին գործերի նախարարության Ոստիկանության Մալաթիայի բաժին ահազանգ է ստացվել, որ «բաց գանգուղեղային վնասված, էպիդուրալ հեմատոմա, թոքերի սալջարդ» ախտորոշմամբ իրենց մոտ բուժօգնության է տեղափոխվել մի երեխա:

Բժիշկներն առաջին անհրաժեշտ բուժօգնությունը ցուցաբերելուց հետո երեխային ռեանիմոբիլով, ծայրահեղ ծանր ախտորոշմամբ, տեղափոխել են «Սուրբ Աստվածամայր» բժշկական կենտրոն և երեխային շտապ ուղեկցել են վերակենդանացման բաժանմունք:

Մալաթիայի ոստիկանները պարզել են, որ երեխան հիվանդանոց է տեղափոխվել Շերամի փողոցից, որտեղ երեխայի 40-ամյա մայրը մի քանի րոպեով բացակայել է հյուրասենյակից, որի ժամանակ 2-ամյա աղջնակն անզգուշությամբ 2-րդ հարկի բնակարանի պատուհանից ցած է ընկել:

Առավել մանրամասն՝ սկզբնաղբյուրում: