««Անկախ դիտորդը» հանցագործության մասին երկու հաղորդում է ներկայացրել». Դ. Իոաննիսյան

«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի ֆեյսբուքյան գրառումը. «Ընտրությունների ժամանակ, ինչպես գիտեք, արգելված է ոչ միայն ընտրակաշառքը, այլև թեկնածուների ու կուսակցությունների կողմից բարեգործություն անելը: «Անկախ դիտորդը» հանցագործության մասին երկու հաղորդում է ներկայացրել՝ «Ուժը հայրենյաց» կուսակցության և «Մայր Հայաստան» դաշինքի ներկայացուցիչների կողմից ընտրական և քրեական օրենսգրքերով արգելված այս արարքը կատարելու մասով:
Բոլոր քաղաքական ուժերին ուզում եմ հիշեցնեմ, որ ընտրողներին կարելի է նվիրել միմիայն 3 հազար դրամի արժեքը չգերազանցող քարոզչանյութերով իրեր: Եթե նվերի գինը 3 հազարից թանկ է, կամ եթե նվերի վրա քարոզչանյութ չկա, ապա այդ նվերը տալու համար կարելի է 6 տարի բանտում անցկացնել»: