Կառավարության շենքի դիմաց տուժել են ոստիկաններ եվ քաղաքացիական անձինք, պատճառվել է գույքային վնաս. ՔԿ
![]() 436 Չորեքշաբթի, 20 սեպտեմբերի, 2023 թ., 04:18 Ինչպես արդեն տեղեկացվել է, սեպտեմբերի 19-ին ՀՀ կառավարության շենքի դիմաց զանգվածային անկարգություններ կատարելու հրապարակային կոչեր հնչեցնելու, զանգվածային անկարգություններ կազմակերպելու և մասնակցելու դեպքերի առթիվ ՀՀ քննչական կոմիտեի հատկապես կարևոր գործերով քննության գլխավոր վարչությունում նախաձեռնվել է քրեական վարույթ՝ ՀՀ քրեական օրենսգրքի 327-րդ հոդվածի 1-ին մասի և 328-րդ հոդվածի 3-րդ մասի 1-ին կետի հատկանիշներով։ Հայտնում են ՔԿ-ից: Նախաքննության ընթացքում ձեռք են բերվել փաստական տվյալներ՝ զանգածային անկարգությունների մասնակիցների կողմից իրենց ծառայողական պարտքը կատարող, Կառավարության շենքի պահպանությունը և հասարակական կարգի պաշտպանությունն իրականացնող ոստիկանների ուղղությամբ մեծ քանակությամբ քարեր, շշեր, այլ առարկաներ նետելու վերաբերյալ։ Այդ գործողությունների արդյունքում ոստիկանության բազմաթիվ աշխատակիցներ ստացել են տարբեր աստիճանի մարմնական վնասվածքներ՝ տեղափոխվելով բժշկական հաստատություններ։ Բացի այդ, վնասվել է կառավարության շենքի գույքը։ Հավաքագրվել են անկարգություններն արձանագրող տեսանյութեր, որոնք ուսումնասիրվում են։ Կատարվել է դեպքի վայրի զննություն, ինչի արդյունքում տարածքում հայտնաբերվել են մեծ քանակությամբ քարեր, շշեր, պլաստմասե իրեր և այլ առարկաներ։ Քրեական վարույթի շրջանակներում իրականացվում են անհրաժեշտ միջոցառումներ՝ նման հանցավոր արարքներ կատարած՝ զանգվածային անկարգությունների մասնակիցների ինքնությունը պարզելու, ձերբակալելու և վարույթն իրականացնող մարմնին ներկայացնելու ուղղությամբ։ ՀՀ քննչական կոմիտեն, հաշվի առնելով տեղեկատվություն ստանալու հանրային շահը, պարբերաբար հանրությանը թույլատրելիության սահմաններում կիրազեկի նշված քրեական վարույթի նախաքննության ընթացքի և արդյունքների վերաբերյալ։ Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով: |
Աշոտյանը կմնա կալանքի տակ
5411:30Ադրբեջանը Ռուբեն Վարդանյանին մեղադրանք է ներկայացրել (տեսանյութ)
11511:24«Առաջիկա օրերին ԼՂ-ում այլևս հայ չի մնա». ՀՀ վարչապետ
10011:12Կառավարության նիստը՝ ուղիղ միացմամբ (տեսանյութ)
8211:06«3 օր է՝ ասում են՝ ավտոբուսը դուրս է եկել Գորիսից, բայց ոչ մի ավտոբուս չկա». Ստեփանակերտի բնակչուհի (տեսանյութ)
12310:24«Իշխանությունն ամեն ինչ անում է, որ մարդկանց մի մասը ստիպված թողնի, երկրից հեռանա». Աբրահամյան
12410:12Վաչագան Ղազարյանն ազատ է արձակվել. «Ժողովուրդ»
16009:06«Հայ ժողովրդին, որը դեռ տառապում է, ես ասում եմ՝ չհուսահատվե՛ք, Աստված ձեզ հետ է». Մել Գիբսոն
908:54