«Forbes-ը թուրքական տեսակետից անդրադարձել է «Զանգեզուրի միջանցք»-ին». Վ. Գեղամյան

540

Ուրբաթ, 29 սեպտեմբերի, 2023 թ., 13:24

Թյուրքագետ Վարուժան Գեղամյանի ֆեյսբուքյան գրառումը. «Սեպտեմբերի 27-ին «Զանգեզուրի միջանցքի» թեմային թուրքական տեսակետից անդրադարձել է հեղինակավոր Forbes պարբերականը։
«The Armenia-Azerbaijan Conflict Can Change The Balance Of Power In Iran, Turkey, Russia, All The Way To China» վերտառությամբ հոդվածում հեղինակը նշում է, որ Զանգեզուրի միջանցքը ոչ միայն Թուրքիայի համար պանթուրքիզմի վերակերտման հնարավորություն է, այլև Արևմուտքի համար հնարավորություն է Կենտրոնական Ասիայի վրա Թուրքիայի միջոցով մեծացնելու սեփական և նվազեցնելու Ռուսաստանի, Չինաստանի ու Իրանի ազդեցությունները։
Հեղինակն ամփոփում է այս միտքը հետևյալ կերպ. «Հայերը միակ աշխարհագրական խոչընդոտն են»։
Արդեն բազմիցս ասել եմ. Թուրքիային պետք է միջանցքը սեփական շահերից ելնելով։ Բայց այդ միջանցքը շատ ձեռնատու է Արևմուտքին։ Պատահական չէ, որ Իրանում այն կոչում են «ՆԱՏՕ-ի թուրանական միջանցք»։
Եթե որևէ բան չձեռնարկենք, ապա առաջիկայում հագուստ ու սնունդ ենք հավաքելու նաև Սյունիքի հայության համար, իսկ գմբեթները դնելու ենք Մասիվի ու Ավանի մերձակայքում»: