«Սակարկում անելուց ո՞ւմ գինն էր ավելի բարձր՝ «Հանրապետությա՞ն», թե՞ «Հանրային ձայնի»». լրագրողը՝ Ավինյանին

««Հանրային ձայն»-ը մասնակցեց նիստին, քվորում ապահովեց, «Հանրապետություն»-ը Ձեզ քվե տվեց. քաղաքական առևտուր անելուց, սակարկելու հարցում ո՞ւմ գինն էր ավելի բարձր»,- Երևանի քաղաքապետարանում ընթացող ասուլիսի ժամանակ դիմելով նորընտիր քաղաքապետ Տիգրան Ավինյանին՝ հարցրեց լրագրողը: Ավինյանն ասաց, որ երևանցիներն իրենց քվեն տվել են քաղաքական հինգ ուժի, որոնք ներկայացված են Երևանի ավագանիում. «Յուրաքանչյուր ուժ իր որոշումն է կայացնում արդեն հետընտրական շրջանում, ու գաղափարական նույն հենքի, ծրագրերը միասին իրականացնելու հիմքով «Հանրապետության» հետ մենք կազմեցինք հետընտրական դաշինք. սա ուղղակի պաշտոններ կիսելու հարց չէ, մենք նման բան չենք արել՝ ի տարբերություն ոմանց: Մեզ մոտ քաղաքական առևտուր տեղի չի ունեցել»,- նշեց Ավինյանը: