«Հայաստանի հետ խաղաղության համաձայնագիր կնքելու իրական հնարավորություններ կան». Բայրամով

«Հայաստանի հետ խաղաղության պայմանագիր կնքելու իրական շանսեր կան»,- այս մասին հայտարարել է Ադրբեջանի արտգործնախարար Ջեյհուն Բայրամովը գերմանացի գործընկեր Աննալենա Բարբոկի հետ հեռախոսազրույցում։ Հակառակորդ երկրի նախարարն ընդգծել է. «Կարևոր է խուսափել սադրիչ քայլերից, որոնք խոչընդոտում են տարածաշրջանում խաղաղության և անվտանգության հաստատման ջանքերին, Ադրբեջանի տարածքային ամբողջականության և ինքնիշխանության դեմ ուղղված կոչերին աջակցող հայտարարություններին: Ադրբեջանի՝ իր ողջ տարածքում ինքնիշխանության վերականգնումից հետո առկա են Հայաստանի հետ խաղաղության պայմանագիր կնքելու իրական հնարավորություններ, հույս կա, որ Հայաստանը դրական կգնահատի այդ հնարավորությունները»։