«Սա ասում է մարդ, որը Արցախը միայնակ է թողել». Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովը լրագրողների հետ զրույցում անդրադարձել է Եվրոպական խորհրդարանում ՀՀ վարչապետ Նիկոլ Փաշինյանի այսօրվա ելույթին. «Ցինիզմի բացահայտ դրսևորում էր: Ի՞նչ է նշանակում՝ կանգնել ու մեղադրել ուրիշներին՝ միայնակ թողնելու մեջ: Սա ասում ա մարդ, որը Արցախը միայնակ ա թողել: Փաշինյանը բողոքում է դաշնակիցներից, որ իրեն մենակ են թողել... հասկանո՞ւմ եք: Նա սեպտեմբերի 19-ի պատերազմի օրը եթեր ա մտել ու ասել, որ չնայած ընդեղ հայերին թուրքերը կոտորում են, բայց ինքը չի խառնվելու: Երբ պատերազմն ավարտվել ա, մի հատ էլ մտել ա եթեր, ասել ա՝ ընդեղ էթնիկ զտում չկա, քաղաքացիական բնակչությանն ուղիղ սպառնալիք չկա, ու դա ՄԱԿ-ի ԱԽ-ում Արարատ Միրզոյանի երեսին շփցրել ա Ադրբեջանի ԱԳ նախարարը»,- նշել է ՀՀԿ-ական գործիչը: