«Կեղտոտողն իրավունք չունի բողոքել կողքինի տարածած գարշահոտից». Հակոբ Կարապետյան

Հայկ Մարությանի թիմակից Հակոբ Կարապետյանի ֆեյսբուքյան գրառումը. «Ռուսաստանի պետական ալիքով Հայաստանի ղեկավարության ու քաղհասարակության որոշ ներկայացուցիչների մասին պատրաստած քարոզչական ֆիլմը նողկալի է՝ լի փաստական աղավաղումներով ու բացահայտ կեղծիքներով, գումարած՝ վիրավորական պիտակներն ու բացահայտ թշնամական վերաբերմունքը։ Ու ամոթ բոլոր նրանց, ովքեր մասնակցել են այդ աղբի ստեղծմանը։
Ինձ համար տարօրինակ է միայն ՔՊ-ական քարոզիչների վրդովմունքը սրա վերաբերյալ։ Չէ որ նրանք բառացիորեն նույն ոճի քարոզչական աղբ են արտաթորում երկրի ներսում՝ փորձելով վնասել իրենց քաղաքական հակառակորդներին։ Վերջին վառ օրինակը Երևանի ավագանու ընտրություններն էին, երբ ՔՊ-ին սպասարկող էջերն ու օգտահաշիվները, ձեռնասուն «ընդդիմադիր» օրաթերթերը ամենօրյա ռեժիմով հիմնական մրցակիցներին վարկաբեկող ապատեղեկատվություն էին արտադրում, իսկ քպ-ական վերնախավը դրանք անկաշկանդ տարածում էր։ Էնպես որ, իրար արժեք՝ դուք ու ձեր մոսկովյան վիզավիները, ընկերներ։ Անընդհատ օդը կեղտոտողը իրավունք չունի բողոքել կողքինի տարածած գարշահոտից»: